Thursday, July 14, 2005

حاجه تكسف


ازيكو

بصراحه كده انا جايه اشتكلكو وبالمره اخود رأيكو ...انا ياجماعه حسه انى ولا تلميذه فى ابتدأئى لأنى كل مايجى فى بالى فكره اعد افكر مره واتنين وتلاته ابتدى الكلام منين وياترى هتقدروا تفهموا قصدى ولا هتضحكوا من الأسلوب الفظيع ولا من اللغه البايظه ولا من هيافه الموضوع وبيوصل بيا الحال لحجتين او تلاته

:1 ممكن الغى الموضوع خالص وافكر فى حاجه ذات اهميه اكتر او اعد افكر بقى عن الموضوع الفظيع الى هكّلم فيه واظهر فيه البنت الناضجه الى المفروض انها مهندسه مينفعش تتكلم فى كلام فاضى
:2 وممكن بقى لو ملقتش الموضوع ادخل واشوفكم كتبين ايه وادور على موضوع شبه الموضوع الى انا نفسى اتكلم فيه واكتفى بأنى اعلق بس

:3وسعات بقى تصعب المشكله ولا اعرف اكتب ولا الاقى حتى الموضوع عشان اعلق عليه فأدور على حد اسلوبه حلو اكتب بطرقته ومش بعيد اقتبس منه بعض الكلمات
مش عرفه يمكن انا عندى مشكله فى شخصيتى لأنى بسمع الناس بيقولوا ان الانسان بتبان شخصيته من كلامه واسلوبه فى كتباته بجد انا نفسى اعبر عن اى حاجه بدور فى دماغى من غير مشاكل

5 Comments:

Blogger BaVaLoVa said...

أنا حقولك نصيحة اتقالتلي أول ما بدأت التدوين و هي لما تحسي إنك عايزة تكتبي حاجة اكتبيها على طول و متفكريش مرتين. و ربنا معاكي

10:36 AM  
Blogger Karim Z. said...

بعد اربع شهور تدوين من طب و بعدين اكتشف ان فيه طب و بعدين جديده ... والله منوره. انا مبسوط ان فيه حد معايا في نفس السؤال كنت فاكرنفسي الوحيد الي بفكر بالمشقلب. اقولك رأيي فكري انتي بتكتب ليه و علشان مين و هتلاقي الموضوع سهل، اكتبي زى ما بتتكلمي علشان نفهمك و لو كنت زي حلاتي محدش بيفهمك و انت بتتكلمي :) هيتعودوا على اسلوبك ... اسأليني انا

7:06 AM  
Blogger Karim Elsahy said...

Set up a protest against terrorism tomorrow in the streets of Cairo. Do it. Call everyone you know, join together, link up this Egyptian blogosphere and to the streets.

Karim Elsahy

www.onearabworld.blog.com

9:30 PM  
Blogger Mr-Biboooo said...

اسلوبك عسول و تلقائى جدا و بصراحه دى اول زياره للبلوج بتاعك و اكيد هزوره على طووووووول

3:46 PM  
Blogger AZ said...

بصى يا ست البنات لو حسيتى يوم انك عايزه تكتبى اى حاجه حتى لو هتكتبى من الشمال لليمين توكلى على الله واعملى اللى نفسك فيه يابنتى البلوج دى بتاعتك يعنى عزبه ابوكى برطعى فيها زى مانتى عايزه واللى مايفهمش يبقى اساسا مايهمكيش انه يخش البلوج بتاعتك او لا.. دى مش محاضرات وانتى المعيده وملزمه تشرحى كل حاجه.. اكتبى حتى بالشفره واللى يفهمها تكسبيه واللى مايفهمهاش يبقى حظ سعيد مره اخرى :)...... انا عن نفسى البلوج بتاعتى كلها اخطاء املائيه وببدل حروف مكان بعض انا نفسى باجى اقرا كلامى تانى معرفش اقراه وابص الاقى ناس فهمت وعلقت كمان.. تاك ات زىزى يابنتى الحياه حلوه.. خليكى فريش احنا فى بلوج

9:35 AM  

Post a Comment

<< Home