Wednesday, July 27, 2005

ازيكو
احساس غريب حسه انى اول يوم دراسه حسه انى بألى كتتير مكتبتش يمكن لأنى بألى اسبوعين متكلمتش معاكو ولايمكن بقالى اسبوعين مبفكرش اصلآ عموما احساس جديد وحلو يمكن عشان انا مبسوطه شويه وليا نفس اكتب وحسه ان نفسى مفتوحه ارغى مع حد..... جايز....
المهم ان احساس النجاح ده حاجه جميله جدا وخصوصا لو حد مجرب عكسه قبل كده ...يا رب محد يحسه خالص لأنه احساس وحش اوى..ادعولى افضل مبسوطه على طول وميكررش الى حصل السنه الى فاتت
سلام

Thursday, July 14, 2005

حاجه تكسف


ازيكو

بصراحه كده انا جايه اشتكلكو وبالمره اخود رأيكو ...انا ياجماعه حسه انى ولا تلميذه فى ابتدأئى لأنى كل مايجى فى بالى فكره اعد افكر مره واتنين وتلاته ابتدى الكلام منين وياترى هتقدروا تفهموا قصدى ولا هتضحكوا من الأسلوب الفظيع ولا من اللغه البايظه ولا من هيافه الموضوع وبيوصل بيا الحال لحجتين او تلاته

:1 ممكن الغى الموضوع خالص وافكر فى حاجه ذات اهميه اكتر او اعد افكر بقى عن الموضوع الفظيع الى هكّلم فيه واظهر فيه البنت الناضجه الى المفروض انها مهندسه مينفعش تتكلم فى كلام فاضى
:2 وممكن بقى لو ملقتش الموضوع ادخل واشوفكم كتبين ايه وادور على موضوع شبه الموضوع الى انا نفسى اتكلم فيه واكتفى بأنى اعلق بس

:3وسعات بقى تصعب المشكله ولا اعرف اكتب ولا الاقى حتى الموضوع عشان اعلق عليه فأدور على حد اسلوبه حلو اكتب بطرقته ومش بعيد اقتبس منه بعض الكلمات
مش عرفه يمكن انا عندى مشكله فى شخصيتى لأنى بسمع الناس بيقولوا ان الانسان بتبان شخصيته من كلامه واسلوبه فى كتباته بجد انا نفسى اعبر عن اى حاجه بدور فى دماغى من غير مشاكل

Saturday, July 09, 2005

هو فى ايه


ايه يا جماعه مش وخدين بلكو من حاجه مش عرفه انا يمكن بس الى اخدا بالى ان اليومين دول بدا ظهور المحجبات فى التليفزيون فى الاعلاناتاوالاغانى ليه . انا بصراحه مش عرفه هما قصدهم ايه يمكن يعنى عوزين يقولو ان الحجاب معدش يمنع من اى حاجه حتى ولو غلط وانو مبقاش السمه المميزه للمسلمه الملتزمه او عوزين يلغو بند الحياء من قاموس المسلمين وخصوصا ان البنات بيكونو لبسين الجينزو الباديهات الى على الكمّر على فكره يا جماعه انا بجد مش عرفه وخصوصا انى سمعت فى اذاعه لندن ان هناك25 مزيعه مصريه ممنوعه من الظهور امام شاشه التليفزيون للارتدائهم الحجاب فى حين ان المذيعات هم اللاكثر احتراما على الشاشه.

سلام

Tuesday, July 05, 2005

لحد امتى هفضل كده

صباح الخير
انا جيت اقولكم النهارده انىقررت انى مليش دعوه .او يعنى هعمل مش وخده بالى لأنى كل مقول رأيى فى حاجه يجى بابا او ماما ويقواولى انتى بقى الى هتصلحى الكون او انتى بقى الى هتعلمينا نقول ايه او نعمل ايه وفى الأخر بتقلب بخناقه وممكن يلغولى الخروجه الىلسه متفئه معاهم عليها وبطلع فى الخلر عيله قدام صحابى عشان بوظت الخروجه.طب وعلى ايه عيله بعيله وبلاش بقى اقول رئيى وخلى المركب مشيه واحتفظ برأيى لنفسى او حتى بلاش
سلام